Breizh Datathon

Un intrudu eus Bretagne Numerique eo ar Breizh Dataton, a gemer perzh e lusk ar raktres Translate, Ar raktres hag a glask lakaat ar brezhoneg e-barzh Google Translate ha troerien enlinenn all.

Ar pal, da gentañ,zo respont d’ur galv da raktresoù lañset gant skol-veur Abu Dhabi MBZUAI. Gant honnezh e vez kinniget dastum roadennoù evit enframmañ ar yezhoù rannvro e-b arzh binvioù skiant-prenet artifisiel a ra gantLLM (Large Language Model).
Pal pep yezh a gemer perzh eo bodañ 200 skeudenn ha goulenn liammet evit ar 27 a viz C’hwevrer, hervez ar skouerioù amañ dindan.

Da eil e kinnigomp deoc’h implijout ar skeudennoù hag ar goulennoù-se evit kemer perzh e raktresoù a bep seurt, da skouer evit diorren binvioù spered artifisiel,treiñ emgefreek ha krouiñ c’hoarioù sirius evit an deskidi e brezhoneg (skolioù Diwan, skolioù divyezhek, oadourien o adkemer studioù,...).

Evit kemer perzh en intrudu-se a lakaio ar brezhoneg war wel er bed a-bezh eo trawalc’h deoc’h leuniañ hor furmskrid enlinenn evit kinnig skeudennoù dieub a wirioù ha goulennoù en unan eus hon teir yezh labour (brezhoneg, galleg, saozneg). Ne gomzit ket brezhoneg ganeoc'h ? N'hoc'h eus ket ezhomm da gomz brezhoneg evit kemer perzh : ur skipailh troerien a-youl vat hag a-gevret a droio ho kinnigoù evit lakaat anezho

Prest oc’h da dalañ ouzh an dae evit ma vefe renablet ar brezhoneg er bed a-bezh?

Skouerioù evit an Datathon

Setu amañ un nebeud skouerioù eus ar goulennoù a fell deomp krouiñ evit an Datathon enlinenn pe war al lec’h d’ar 17 a viz C’hwevrer e Kemper